अलिबाग- आगामी लोकसभा निवडणुकीच्या पार्श्वभूमीवर बारामती लोकसभा मतदारसंघाच्या राष्ट्रवादी काँग्रेसच्या संभाव्य उमेदवार सुनेत्रा अजित पवार आणि रायगड लोकसभा मतदारसंघाचे उमेदवार सुनील तटकरे यांनी पद्मश्री अप्पासाहेब धर्माधिकारी आणि सचिनदादा धर्माधिकारी यांची सदिच्छा भेट घेतली.
सकाळी १० वाजता सुनेत्रा पवार आणि सुनील तटकरे रेवदंडा येथील अप्पासाहेब धर्माधिकारी यांच्या निवासस्थानी दाखल झाले होते. त्यांच्या समवेत अदिती तटकरे आणि अनिकेत तटकरे हेदेखील होते. जवळपास अर्धातास त्यांच्यात विविध विषयांवर यावेळी चर्चा झाली.
